Wednesday 5 October 2011

အမောလေးတွေ ပြေစေဖို့ (ဟာသများ)

အခန်းမကျော်အောင်

၅နှစ်အရွယ်နှင့် ၇နှစ်အရွယ် ညီအစ်ကို ကလေးနှစ်ယောက် တို့
တီဗွီကိုထိုင်ကြည့်နေကြစဉ် အငယ်ကောင်က တီဗွီခလုတ်ကို ပိတ်လိုက်သည်။
“ကြည့်လို့ကောင်းနေတုန်း ဘာလို့ တီဗွီ ခလုတ်ကို ပိတ်ရတာလဲ”
“ငါ ရှူးရှူးသွားပေါက်နေတုန်း အခန်းကျော် သွားမှာစိုးလို့”

ချစ်ရတဲ့ မြေးလေး

အငြိမ်းစား တရားသူကြီးသည် စာသင်ကျောင်းထဲ ၀င်သွားခဲ့သည်။
“ကျွန်တော်ဟာ သူငယ်တန်းက ဆန်နီလေးရဲ့ အဘိုးပါ။ ကျွန်တော်မြေးလေး
ကျောင်းတက်တာ ကိုလာကြည့်တာပါ”
“သြော်…ဟုတ်ကဲ့၊ ဆန်နီလေးဟာ သူ့ အဘိုးအငြိမ်းစားတရားသူကြီးရဲ့ ဈာပနာကို
လိုက်ပို့စရာရှိလို့ ဆိုပြီး ခွင့်ယူသွားပါတယ်ရှင် ”


သူဆိုရင် လက်တည့်တယ်

“ဟေ့လူ ဟောဟိုမှာစုပြီး ကစားနေတဲ့ကလေးငယ်တွေထဲက ကျွန်တော့်ကို
ခဲနဲ့လှမ်းပေါက်တာ ခင်ဗျားသားဖြစ်မယ်ထင်တယ်”
“ခင်ဗျားကို ထိသွားလို့လား”
“ဟင့်အင်း”
“အဲဒါဆို ကျွန်တော့်သားမဟုတ်ဘူး”

ယုံကြည်လာသူ

“ငါ့မိန်းမက ငါ့ကို ဘာသာရေးသမားဖြစ်အောင် လုပ်ပေးလိုက်တယ်ကွ”
“ဘယ်လိုလုပ်ပေးတာလဲ သူငယ်ချင်း”
“သူနဲ့လက်မထပ်ခင်အထိ ငရဲရှိတယ်ဆိုတာ ငါမယုံခဲ့ဘူးလေ”


သမက်ရဲ့စေတနာ


“ယောကျာ်ားရေ မေမေကပြောနေတယ်။ ရှင်ပြောတဲ့ဟာသတွေက အရမ်းရယ်ရလွန်း လို့
အူတက်ပြီး သေမတက်ပဲတဲ့”
“တကယ်လား၊ ဒါဆို ဒီထက်ပိုရယ်ရတဲ့ ဟာသတွေ ပြောပြပေးမယ်”


ပေါက်ကရမပြောနဲ့

ယာဉ်ထိန်းရဲက အမြန်မောင်းလာသူကို ပြောလိုက်သည်။
“လူကြီးမင်းရဲ့ ကားမောင်းနှုန်းက တစ်နာရီ ၈၅ မိုင်ဖြစ်နေပါတယ်”
“ပေါက်ကရမပြောနဲ့။ ငါမောင်းလာတာမှ ဆယ်မိနှစ်ပဲ ရှိသေးတယ်”


ကြည့်ရှင်းသွားလိမ့်မယ်

“ဟေ့ ၀ိတ်တာ၊ ငါ့လက်ဖက်ရည်ခွက်ထဲမှာ ယင်ကောင်ကြီးနဲ့”
“ဘာမှမပူနဲ့၊ လူကြီးမင်းရဲ့ ပေါင်မုန့်ယိုသုတ်ပေါ်မှာရှိတဲ့ ပင့်ကူက
ကြည့်ရှင်းပေးသွားလိမ့်မယ်”


သူ့ဆုတောင်း

အိုင်ယာလန်နိုင်ငံရှိ ဆုတောင်းပြည့်ရေတွင်းကြီးသို့ လူလတ်ပိုင်းအရွယ်
စုံတွဲနှင့် မိတ်ဆွေတစ်ယောက်တို့ ရောက်ရှိလာကြသည်။
ခင်ပွန်းသည်က အကြွေတစ်စေ့ကို တွင်းထဲပစ်ချပြီး ငြိမ်သက်စွာအာရုံပြု
ဆုတောင်းနေသည်။ ဇနီးသည်ကလည်း သူ့ခင်ပွန်းကဲ့သို့ ပြုလုပ်လိုက်သည်။
သို့သော် အကြွေစေ့ပစ်ချစဉ် အရှိန်လွန်ခြေချော်ကာ
တွင်းထဲသို့လိမ့်ကျသွားသည်။
လောလောလတ်လတ် မုဆိုးဖိုဖြစ်သွားသည့် ခင်ပွန်းဖြစ်သူက သူ့မိတ်ဆွေကို
လှည့်ပြောလိုက်သည်။
“ချက်ချင်းဆုတောင်းပြည့်တာ အံ့စရာပဲဗျာ”


ဒါကပေါ့တာကိုး

“စုန်းတွေဟာ ဘာကြောင့် တံမြက်စည်းကိုစီးတာလဲ”
“ဖုန်စုပ်စက်က အရမ်းလေးလွန်းလို့ပါ”


မေမေလာပြီးရှင်းပေးမယ်

လေးနှစ်အရွယ် ကလေးငယ်သည် တော်ဖီမစားရ၍ စိတ်ကောက်နေသည်။ ချော့မော့မရသဖြင့်
မိခင်က အလျှော့ပေးလိုက်သည်။
“မေမေတို့အိမ်ရဲ့ မျက်စောင်းထိုးဆိုင်မှာ နှစ်ခုသွားဝယ်စား။
ပြီးရင် မေမေ လာရှင်းပေးမယ် ပြောလိုက်”
ကလေးငယ်သည် မျက်စောင်းထိုးဆိုင်တွင် တော်ဖီနှစ်ခုယူပြီးနောက် ဆိုင်ရှင်ကို မေးလိုက်သည်။
“ဘယ်လောက်ကျလဲ ဦးဦး”
“ရပါတယ် သားသားရယ်၊ ဦးဦးကို တစ်ခါပဲ မွှေးမွှေးပေးခဲ့”
“ဟုတ်ကဲ့ ကျတဲ့တန်ဖိုးကို မေမေလာပြီး ရှင်းပေးလိုက်မယ်”


ငွေမရှိတော့လို့

“မနေ့ညက စာအုပ်တစ်အုပ်ဖတ်ရင်း မျက်ရည်ခဲ့ရတယ်ကွာ”
“ဟုတ်လား၊ စာရေးဆရာ ဘယ်သူ့ရဲ့ စာအုပ်လဲ သူငယ်ချင်း”
“ငါ့ရဲ့ ဘဏ်စာအုပ်ပါ”



မတော်တဆမှု

“ရထားစီးရင်း မတော်တဆမှု ကြုံခဲ့ဖူးလား”
“ကြုံဖူးတာပေါ့၊ ရထားကြီး ဥမင်လိုဏ်ခေါင်းထဲဝင်သွားတုန်း ဘေးနားက
အမျိုးသမီးထင်ပြီး ဖက်နမ်းလိုက်တာ သူ့ဖားသားကြီး ဖြစ်နေတယ်”


အဓိကအလုပ်

“မင်းဟာ ဆရာဝန်တစ်ယောက် ဖြစ်နေပြီဆိုပါစို့ကွာ။ မင်းကုနေတဲ့ လူနာဟာ
တစ်နေ့တခြား အခြေအနေ ဆိုးလာပြီဆိုရင် ဘာလုပ်မလဲကွ”
“ဆေးကုခတွေ အမြန်ဆုံးတောင်းထားရပါလိမ့်မယ် ဆရာ”


သေးလွန်းလို့

“ဟေး ၀ိတ်တာ၊ မင်းလာချပေးတဲ့ ထမင်းကြော်ပန်းကန်ထဲမှာ တီကောင်နှစ်ကောင် ပါလာတယ်ကွ”
“အဲဒါ ၀က်အူချောင်းပါ ဆရာ”


ဝိုင်းကူမှ ပိုဆိုး

“သားရဲ့ အိမ်စာတွေ မေမေ ၀ိုင်းကူရေးပေးလိုက်တာ ဆရာမက ဘာတွေပြောသေးလဲကွဲ့”
“သားကိုယ်တိုင်ရေးရင် ဒီလောက်မမှားနိုင်ဘူးတဲ့”


ဒါကြောင့်မို့

“ဒီလူတွေအကုန်လုံး မတ်တတ်ရပ်နေအောင် မင်းဘယ်လိုလုပ်လိုက်တာလဲ”
“ထိုင်ခုံတွေ သွားဝှက်ထားလိုက်တာပါ”



ခွေးဖြစ်ပြီမို့

“ကိုယ့်ကိုယ်ကို ခွေးဖြစ်သွားပြီ ထင်နေမိလို့ ကယ်ပါဦးဒေါက်တာရယ်”
“ကောင်းပြီ၊ ခုတင်ပေါ်တက် လှဲလိုက်ပါ”
“ဟင့်အင်း၊ ခုတင်အောက်ပဲ ၀င်ပါရစေ”



မိသားစု

“ကြောင်မိသားစုဝင် လေးမျိုးကိုပြောစမ်းပါ။"
“ကြောင်အဖေကြီး၇ယ်၊ ကြောင်အမေကြီးရယ်၊ ကြောင်ပေါက်စန နှစ်ကောင်ရယ်ပါဆရာ”

မေ့မေ့စကား

“မေမေ သားကို ကိတ်မုန့် နှစ်လုံးပေးပါ”
“မနက်ဖြန်မှ တစ်လုံးစားလေကွယ်”
“ဟွန့် မေမေပဲပြောတယ်လေ။ ဒီနေ့ လုပ်ရမယ့် အလုပ်ကို မနက်ဖြန် မရွှေ့ပါနဲ့တဲ့”


စေတနာနဲ့ပါ

“မနက်စောစော လူကြီးတစ်ယောက်ကို ကူညီခဲ့တယ် ဖေဖေ”
“စောစောစီးစီး ဘာကူညီခဲ့တာတုန်းသားရဲ့”
“ဘေးခန်းက ဦးလေးကြီး သူအလုပ်သွားတော့ မမီမှာစိုးလို့
အိမ်ကအင်းခွေးကြီးကို ကြိုးဖြည်ပေးလိုက်တယ်။ခွေးလိုက်ဆွဲလို့
အတင်းပြေးတာကြောင့် သူ့အလုပ်ကို ကောင်းကောင်းမီမှာ ကျိန်းသေတယ် ဖေဖေရဲ့”


လက်ထက်စရိတ်

“မိန်းမယူရင် လက်ထက်စရိတ် ဘယ်လောက်ကုန်မလဲ ဖေဖေ”
“မသိဘူးသား ဖေဖေတော့ ဒီနေ့အထိ ပေးနေရတုန်းပဲ”


ဖြစ်ခဲ့မိတာက

“ကျွန်မတို့ အိမ်ထောင်သက်တမ်းက ဒီနေ့ဆိုရင် နှစ်ပေါင်းအစိတ်ရှိပြီ။
တစ်ခါတလေ ကျွန်မကို ကွာရှင်းချင်စိတ် မဖြစ်မိခဲ့ဖူးလား”
“ဟင့်အင်း၊ သတ်ပဲသတ်ချင်တယ်”


သနားသွားလို့

“မနေ့ညက ငါ့အိမ်ကို သူခိုးဝင်ခဲတယ်”
“ဘာတွေ ပါသွားသေးလဲ”
“တစ်အိမ်လုံး နှံ့နှံ့တက် လိုက်ရှာပြီးတော့ စားပွဲအပေါ်မှာ ငါ့အတွက်
ငွေတစ်ရာတင်ပေးထားခဲ့ပြီး လက်ချည်းသက်သက် ပြန်ထွက်သွားတယ်”


အားမပေးပါနဲ့

“ရေဒီယို အသံလွှင့်ရုံတွေကို ဘာလို့အဆောက်အဦ အမြင့်ကြီးတွေမှာ ထားရတာလဲ”
“အဆိုတော်ကို ခဲနဲ့လှမ်းပေါက်ရင် မမီနိုင်အောင်လို့”


လူ့အဖိုးတန်

“လူ့အဖိုးတန် ဖြစ်ချင်တယ်ဆိုပြီး အိမ်ကထွက်သွားတဲ့ ရှင့်သားလေး
အခြေအနေဘယ်လိုလဲ။ တိုးတက်မှုရှိပြီလား”
“အင်း ထင်တာပဲ၊နိုင်ငံခြားအစိုးရတစ်ခုက သူ့ကို ဆုငွေထုတ်ထားတယ်။ ဒေါ်လာတစ်သန်းတဲ့”


လျှို့ဝှက်ချက်

အခွန်ဝန်ထမ်းက ကုန်သည်ကိုပြောလိုက်သည်။
“ခင်ဗျားဟာ ကုန်သည်လုပ်နေပြီး နိုင်ငံတော်ကို အစီရင်ခံဖို့တော့ ပျက်ကွက်နေတယ်”
“အစီရင်ခံရမယ် ဟုတ်လား။ ဘာကို အစီရင်ခံ၇မှာလဲ”
“လုပ်ငန်းရဲ့ ပမာဏ၊ လုပ်ငန်းလည်ပတ်ငွေ၊ တစ်နှစ်တာ အမြတ်ငွေတို့ကို အစီရင်ခံရမယ်လေ”
“ခင်ဗျား ရူးနေလား၊ ဒီကိစ္စကို ကျုပ်မိန်းမတောင် အသိပေးတာမဟုတ်ဘူး”


သေချာတဲ့နည်း

“ကျွန်တော့်ကို ငွေငါးရာလောက် ခဏပေးပါ ဖေဖေ”
“ဘာလို့ဖို့လဲကွ”
“အလုပ်တစ်ခု လုပ်မလို့။ ကျိန်းသေပေါက် ငွေနှစ်ရာမြတ်မှာ။ အဲဒါကို အဖေနဲ့
ကျွန်တော်နဲ့တစ်ယောက်တစ်ရာစီ ခွဲယူရုံပဲ”
“ကဲ-ရော့ ငွေတစ်ရာ။ မင်းရဲ့အလုပ် အောင်မြင်ပြီလို့သဘောထားလိုက်။ အခု
မင်းရဲ့အမြတ်ငွေတစ်ရာ ရသွားပြီ။ ငါလည်း ငွေလေးရာ သက်သာသွားပြီ”


နည်းပေးလမ်းပြ

ကုမ္ပဏီအရှုံးပေါ်နေသဖြင့် စိတ်ပျက်လက်ပျက် ထိုင်နေသော ပိုင်ရှင်ကို
အတွင်းရေးမှူးက ပြောလိုက်သည်။
“ရုံးဝမှာ လူတစ်ယောက် ရောက်နေပါတယ်။ သူထမင်းမစားရတာ လေးရက်ရှိသွားပြီလို့ ပြောတယ်”
“ဟေ-ဟုတ်လား၊ သွားခေါ်စမ်း မြန်မြန်၊ သူ့ဆီက နည်းလမ်းတောင်းပြီး
ငါ့ဝန်ထမ်းတွေ အဲဒီလိုနေခိုင်းရမယ်”


ဝယ်သူအမြဲမှန်တယ်

အရောင်းစာရေးအသစ်ကိုသူဌေးက မှာကြားလိုက်သည်။
“၀ယ်သူအမြဲမှန်တယ်ဆိုတဲ့ ဆောင်ပုဒ်ကို မမေ့နဲ့နော်”
တစ်နေကုန် ဈေးဝယ်သူတို့သည် ဘာပစ္စည်းမှ မ၀ယ်ဘဲ ပြန်ထွက်သွားကြခြင်းကို
တွေ့ရသဖြင့် သူဌေးက အရောင်းစာရေးအသစ်ကိုခေါ်မေးလိုက်သည်။
“ဆိုင်ထဲဝင်လသူတွေဟာ ဘာလို့ မ၀ယ်ဘဲ ပြန်ထွက်သွားကြရတာလဲ”
“သူတို့က ပြောပါတယ်။ ဒီဆိုင်က ဈေးကြီးတယ်တဲ့။ ကျွန်တော်ကလည်း သူဌေးမှာ
ကြားချက်အရ သူတို့ပြောတာမှန်တယ်လို့ ထောက်ခံလိုက်တာကြောင့်ပါ”

No comments:

Post a Comment

Print Friendly and PDF